VELKOMMEN SOM BRUKAR AV LINDÅS FOLKEBOKSAMLING

Alle som ønskjer det, kan bruka tilboda til folkeboksamlinga – både barn og vaksne. Alle utlån er gratis. 

PÅ FOLKEBOKSAMLINGA KAN DU:

• LÅNE BØKER. Lånetid: 4 veker. Dersom det må sendast ut ei påminning om innlevering etter at lånetida er ute, kostar det kr 10 første gong, kr 20 andre gong og kr 30 tredje gong. Høgaste påminningsgebyr: kr 30. Etter 3 påminningar vert det sendt rekning på bøkene. Bortkomne/øydelagte bøker må erstattast. Treng du meir tid? Dersom ikkje andre ventar på boka, kan du over telefon utvida lånetida med ein ny låneperiode. Ha boka/bøkene framfor deg når du ringjer. Du kan reservera utlånte bøker, utan at det kostar noko.
• LESE AVISER
• LÅNE TIDSSKRIFT. Folkeboksamlinga har om lag 50 tidsskrift innafor ulike fagområde. Desse er alle til utlån, med unnatak av siste nummer, som alltid skal kunna finnast på folkeboksamlinga. Lånereglar elles – som for bøker.
• LÅNE VIDEO.  Lånetid: Ei veke. Lånereglar elles – som for bøker.
• LÅNE SPRÅKKURS. Lånetid: 8 veker. Lånereglar elles – som for bøker.
• LÅNE CD-ROM. Du kan låne med deg opptil 2 CD-ROM kvar gong. Lånetid: 1 veke. Lånereglar elles – som for bøker.
• BRUKE OPPSLAGSVERK

• KOPIERE. Om du treng å bruke kopimaskin, kostar dette kr 0,50 pr. ark.
• BRUKE INTERNETT. Lindås folkeboksamling tilbyr Internett-tilgang til kommunen sine innbyggjarar i tråd med  Biblioteklova § 1. Biblioteket skal stille til rådvelde materiale, også i elektronisk form, som møter den utdannings- og rekreasjonstrong innbyggjarane har.
  Internett-terminalen kan reserverast for ½ time om gongen.
  Det skal ikkje vere fleire enn 2 ved PC`en samstundes, dersom ikkje anna er avtala. Biblioteket har ingen kontroll over informasjon på Internett.
  Filer må lastast direkte ned på diskettar som må kjøpast på biblioteket.
  Det er berre høve til å bruke web-baserte e-posttenester.
  Utskrifter må betalast etter gjeldande prisar.
  Som med anna materiale i biblioteket, er føresette og ansvarlege for barnas bruk av Internett. Det er ikkje lov å leite fram pornografi / diskriminerande stoff. Brot på norsk lov ved bruk av Internett-terminalen  medfører inndraging av brukaren sin tilgangsrett.

• BRUKE STUDIEROMMET. Det er tilgjengeleg for alle i opningstida, og skal nyttast til studier. Studierommet er eit ”stillerom”. Rommet kan reserverast for grupper. Vaksne, registerte studentar kan låne nøkkel til rommet utanom opningstida. Nøkkel kan lånast for inntil 1 veke om gongen.
• BRUKE MUSIKKSAMLINGA. Folkeboksamlinga har både kassettar og CD-plater til utlån. Lånereglar som for bøker. I musikksamlinga finst og notar og litteratur om musikk. På biblioteket finn du og ein lyttekrok der du kan høyre på musikk i fred og ro.

EVENTYRSTUNDER  OG ANDRE ARRANGEMENT…

Folkeboksamlinga arrangerer ulike samkome i løpet av året. Spør i skranken, eller sjekk heimesidene våre for opplysningar om tema/tid.

NOKO DU IKKJE FINN I SAMLINGA?

Vi søkjer gjerne for deg dersom du er på jakt etter informajon, til dømes siste lover og reglar på ulike område.

Vi er del av eit landsfemnande nettverk som gjer at vi kan låne inn litteratur frå heile landet utan meirkostnader for deg.

TRENG DU HJELP?

Spør!!! Dei som arbeider ved folkeboksamlinga, er der for å hjelpa DEG. Dei er glade for spørsmål.

^{LINDÅS FOLKEBOKSAMLING ER BRUKARANE SITT BIBLIOTEK!}