Under kan du lese sist årsmelding. Tidlegare årsmeldingar kan du laste ned her i pdf.format:       Årsmelding 2002      Årsmelding 2003      Årsmelding 2004


Årsmelding 2005

Mål: Biblioteket skal ha til oppgåve å fremja opplysning, utdanning og anna kulturell verksemd gjennom informasjonsformidling og ved å stille bøker og anna eigna materiale gratis til disposisjon for innbyggjarane i kommunen.
Biblioteket skal i sine tilbod til barn og vaksne leggja vekt på kvalitet, mangfald og aktualitet. Verksemda skal vera  utadretta, og tilboda skal gjerast kjend.

Økonomi:
Det er ingen  vesentlege avvik mellom utgifter i årsrekneskapen og løyving til  folkeboksamlinga. 

Struktur:
Folkeboksamlinga i Lindås har følgjande struktur: Hovudboksamling i Knarvik, filial på Lindås og bokbuss som besøker  7 barnehagar og  alle grunnskulane, med unnatak av skulane i Knarvik og Alversund. Personalressursen ved Ostereidet filial vart flytta til hovudboksamlinga i perioden, og Ostereidet filial vart lagt ned.

Samarbeid:
Regional bibliotekplan
Biblioteka i Nordhordland fekk tildelt midlar frå Regionrådet i meldingsåret,  til utarbeiding av felles bibliotekplan for regionen. Arbeidet skal vere klart i løpet av 2005.
Kulturforum
Biblioteket samarbeider med  Lindås kulturskule, Frivilligsentral og ungdomskonsulent. Kulturforum arrangerte kulturkonferanse  i mars.

Sjukefråvær
Sjukefråværet ved Lindås folkeboksamling er stabilt lågt.

Trivselstiltak:
Kompetanseutvikling
2 av dei tilsette tek del i HIB sitt kurs om Lesing- og lesestimulering som strekk seg over 3 semester.
3 av dei tilsette var på studietur til Kvinnherad, Kvam og Odda i mai.

”Ny energi”
I haust starta vi prosjektet ”Ny energi”, der målet er å auke arbeidsinnsats og trivsel  for dei tilsette, gjennom  ein rask tur i samband med matpausa, 2 dagar i veka.

Ressursar og aktivitet:

Personalet
Den samla personalressursen er på 6 tilsette delt på 3,89 årsverk. Personalressursen pr. innbyggar er lågare i Lindås kommune enn gjennomsnittet for andre bibliotek:

  Tal på innbyggjarar  pr årsverk

KOSTRA-tala syner at Lindås har eit høgare innbyggjartal pr. årsverk enn både landsgjennomsnitt, gjennomsnittet for fylket og for gruppe 11. Medan tendensen i samanlikningskommunane går mot fleire tilsette pr innbyggjar, syner KOSTRA-tala ein motsett tendens i Lindås. (*KOSTRA-tal for 2005 er ikkje klare).

  Bibliotekutlån pr årsverk

Bibliotekutlån pr. årsverk  i 2005  var 17913. (17379 i 2004).

KOSTRA-tala frå 2003/2004 syner at biblioteket  ligg høgare i produktivitet pr personaleining  enn gjennomsnittet:

Dette tyder på at kommunen har funne fram til ein effektiv bibliotekstruktur, men tala er og eit uttrykk for travle arbeidsdagar for dei tilsette. Som det vil framgå av aktivitetslista held biblioteket eit relativt høgt aktivitetsnivå noko som bidreg ytterlegare  til at det vert hektiske arbeidsdagar for den einskilde.

Utlån

Samla auke i  utlånet  ved Lindås folkeboksamling frå år 2004 til 2005 er på 2078 einingar. Ved hovudboksamlinga er det ein viss nedgang i bokutlånet, medan utlånet av andre media som musikk, lydbøker og DVDar har auka. Ved Lindås filial og på bokbussen viser tala ein jamn auke for alle media.

Utlånet frå bokbussen er på 13057 einingar (av dette er 12483 bøker). Til samanlikning var det samla registrerte utlånstalet for  alle bokbuss-skulane i Lindås i år 2004 på 7175 einingar. Sjølv om ikkje alle skulane sin statistikk er like påliteleg, viser likevel tala kor viktig bokbussen er for skulane.

Aukande besøkstal

Samla gjennomsnittleg besøkstal – alle avdelingar:

Folkeboksamlinga i Lindås har i  gjennomsnitt 71420 besøk i året.

Aktivitetar for vaksne:

Førehandsrøysting
Også ved dette valet har kommunen hatt  tilbod om førehandsrøysting  på hovudbiblioteket og på Lindås filial. 713 personar nytta seg av tilbodet.

Videokonferanser
Det har vore ein del oppstartsproblem rundt videokonferanseutstyret, men biblioteka i Nordhordland har hatt regelmessige møter i perioden, og vil etterkvart kunne stille rommet til disposisjon for det lokale næringslivet og vaksne under utdanning.

PC med internett-tilgang for publikum installert  på Lindås filial.

Det vart oppretta Forbrukarinfo på begge avdelingar i desember. Tiltaket er eit samarbeid med Forbrukerrådet.

I samband med prosjektet ”Bibliotek- meir enn bokhus” arrangerte biblioteket eit seminar om dysleksi for formidlarar.  Det var vel 50 deltakarar på seminaret. Prosjektet, som var eit samarbeidsprosjekt med Nordhordland dysleksiforening, vart avslutta dette året.

Litteraturformidling
Folkeboksamlinga arrangerer lesekveldar for interesserte (deltakar i Nordhordland Litterære Selskap), og held bokorinteringar for lag og organisasjonar på førespurnad.

Nordhordland fotoklubb har fast utstillingsplass i biblioteket.

Aktivitetar for barn:

Gje rom for lesing
Biblioteket held fram arbeidet med å registrere skulane sine katalogar inn i felles internettbasert katalog.

All tilvekst som skulane har kjøpt inn dette året er registrert i katalogen. Mål alle folkebiblioteka og 41 skuleboksamlingar skal ha felles katalog.

Etter skuletid i Knarvik
Ope hus for 4 -7 klasse 1 gong i veka, med høgtlesing, stillelesing, spel og tid til lekser. Frammøte 8-12 barn.

Prosjektet  Les-for-livet vart avslutta våren 2005. Folkeboksamlinga fekk  støtte frå den kulturelle skulesekken til å halde fram 2.klassetilbodet. Det vart arrangert  ”eventyrtur til biblioteket”  der Bergen familieteater synte forestillinga ”Katten med støvlene”, og der barna fekk skattkiste med bøker til langtidslån i klasserommet.

Bokprat
På vårhalvåret møtte biblioteket alle 2. og 6.klasser. Andre klassetrinn  på førespurnad.

Eventyrstund vart arrangert 2.kvar veke i vårhalvåret.

Musikkens Venner arrangerte Bamsekonsert på biblioteket i oktober.

Lindås folkeboksamling har samarbeidd med Austrheim folkeboksamling og Meland bibliotek  om deltaking på Utdanningsmessa i Knarvik.

Knarvik, 15. februar 2006
Marit Gro Berge